اسلام آباد 10 مئي (اے پي پي)وزيراعظم محمد شهباز شريف د پاكستان سلامتيا له هر څه مقدمه ګرځولو سره قانون په لاسو كښې اغستونكو شرخوښو عناصرو ته خبردارے وركړے چې په ترهه ګرۍ او شرخوښۍ كښې ككړ عناصر دې د هېواد دښمنه هلو ځلو څخه منع شي ٬ ګينې د قانون په لاسو كښې اغستوونكو شرخوښو په ضد به سخته كاروائي كولې شي٬د پاكستان د رياست او د دې د نظريې حفاظت مونږ ته د خپل ځان نه ګران دے٬چا له به د هېواد په ضد د سازش اجازه ورنه كړو او نه به د دغسې عناصرو ناوړه ايجنډا كاميابېدو له وركړو۔ ده ووئېل د عمران نيازي ګرفتاري د 60 اربه روپو كرپشن په مقدمه كښې نېب كړې٬قانون ته د وړاندې كېدو په ځاې عمران خان او پي ټي آئي حساس سركاري او نجي املات ته په زيان رسولو د هېواد دښمنۍ نه معاف كېدونكے جرم كړے۔د شورو په ورځ قام ته په خپل خطاب كښې ده ووئيل په تېر حكومت كښې به وزيرانو اول اعلان كولو چې سبا به څوك ګرفتارولے شي٬د اپوزېشن ټول لارښود په زندانونو كښې اچولې شوي وو٬ ده ووئېل د ظالمانه نېب قوانين بدلولو له مونږ تراميم وكړل او نن د هغه تراميم نه تر ټولو وړاندې عمران نيازي ګټه پورته كړه ٬مونږ د نېب مقدمو سره مخ شوي يو ٬په مونږ جوړو كړو مقدمو كښې يوه هم ثابت نه كړې شوه٬د برتانيې نېشنل كرائم ايجنسۍ مونږ له كليئر چټ راكړو چې ورسره د پاكستان د 22 كروړه اولس عزت زيات شوے۔ده ووئيل مونږ د سختو تحفظاتو او اعتراضاتو باوجود عمر له قانون او عدالتونو ته وړاندې شوي يو٬درې ځله ټاكلے وزيراعظم نواز شريف د بې ګناه لور سره په نره د 100 ځلو نه زيات ځل نيب عدالتونو ته پيشۍ له تلے٬د مرګ په كټ په آخري ساګانو زما خور كلثوم نواز هغه په پرېښودله او د لور سره نواز شريف زندان ته لاړو۔ده ووئيل د بېنظيربهټو د شهادت لويې غمجنې پېښې نه وروستو د پاكستان پيپلز ګوند قيادت د صبر تحمل او د هېواد سره د ځانګړې مينې څرګندونه كړې كومه به چې عمر له په زرينو ټكو ياد ساتلې شي۔ده ووئيل آصف علي زرداري د پاكستان كهپے په نعره پورته كولو د دښمن ناپاك عزائم خاورې كړل او څرګند پېغام يې وركړے ؤ چې د قانون او جمهوريت ترمخه به پاكستان مخ په وړاندې بوځو۔وزيراعظم ووئيل د عمران خان ګرفتاري د كرپشن په مقدمه كښې شوې۔په القادر ټرسټ كښې د هغه د كرپشن شواهد موجود دي٬نېب په دغه مقدمه كښې پلټنې كوي ٬ دا د 60 ارب روپو د كرپشن كيس دے۔ده ووئيل آيا اسلام٬قانون او جمهوريت د عدالت او قانون لاره خپلولو څخه د انكار اجازه وركوي ؟ ۔ ده ووئېل د سياسي كاركن په حېث د عمران خان ګرفتاري زمونږ لپاره د خوشحالۍ باعث نه ده٬د ژوند د دې ترخو تجربو نه مونږ څو ځله تېر شوې يو خو عمران نيازي او پي ټي آئي د قانون طرز عمل اختيارولو خو څه حساس سركاري او نجي املاك ته په زيان رسولو د هېواد دښمنۍ نه معاف كېدونكے جرم كړے ۔داسې مناظر په تاريخ كښې كله نه دي تر نظره شوي۔
د پاكستان سلامتيا له هر څه مقدم ده٬شرخوښي عناصر دې د هېواد دښمنه هلو ځلو نه منع شي٬قانون په لاسو كښې د اغستونكو شرخوښو به په سختۍ سره مخ نيوے كولې شي٬چاله به د هېواد په ضد د سازش كولو اجازه ورنه كړو۔د وزيراعظم قام ته خطاب
مضمون کا ماخذ : resultados loteria ریو ڈی جنیرو
متعلقہ مضامین
