لاہور ۔ 18 جولائی (اے پی پی) وزیر اعظم عمران خان نال لہور چیمبر آف کامرس اینڈ انڈسٹری دے نمائنداں دے وفد خمیس کوں ملاقات کیتی۔وزیر اعظم عمران خان انڈسٹریل زوننگ اتے ٹاﺅن پلاننگ دی اہمیت تے زور ڈیندے ہوئیں آکھیا جوماضی اچ انڈسٹریل زوننگ اتے ٹاﺅن پلاننگ دی اہمیت کو ںنظر انداز کیتا گیا ،جیندی وجہ نال گندگی، بنیادی سہولتاں دی گھٹکی اتے بئے سماجی مسئلے بنڑے ۔وزیر اعظم ایں سانگے متعلقہ اداریاں کوں چنگی حکمت عملی بنڑاونڑ دی ہدایت کیتی۔ صنعتی ترقی دی اہمیت کو ںاجاگر کریندے ہوئیںوزیر اعظم آکھیا جو 1960 اچ پاکستان ایشیاءاچ چنگی ترقی کر یندا پیا ہا جیندی وجہ صنعتی ترقی ہائی۔ بدقسمتی نال اساں ہک منفی مائنڈ سیٹ دا شکار تھی گئے اتے خطے دے بئے ملک اساڈے کنوں اگی تے نکل گئے۔ وزیراعظم آکھیا جو ملکی ترقی کیتے صنعتی ترقی ناگزیر ہے، ایندی مدد نال روزگار ملسی تے دولت ودھسی۔انہاں آکھیا جو ملکی ترقی سانگے صنعتی ترقی ناگزیر ہے ، ایندی مدد نال روزگار ملسی اتے ملک اچ دولت آوسی۔ ملاقات اچ وزیر اعلی پنجاب سردار عثمان بزدار، صوبائی وزیر خزانہ مخدوم ہاشم جوان بخت، وزیر صنعت میاں محمد اسلم اقبال، صوبائی وزیر اطلاعات صمصام بخاری، ترجمان پنجاب حکومت شہباز گل، چیف سیکرٹری یوسف نسیم کھوکھر اتے سینئر افسران شرکت کیتی۔ وزیر اعظم دے معاونین خصوصی ڈاکٹر فردوس عاشق اعوان، نعیم الحق، ندیم افضل چن وی ملاقات اچ موجود ہن ۔ نمائنداں دا حکومت ولوں معیشت کوں باقاعدہ دستاویزی شکل اچ گھن آونڑ اتے ٹیکس اصطلاحات دے اقدامات تے چنگے اعتماد دا اظہار کریندے ہوئیں اپنڑے مکمل تعاون دا یقین ڈیوایا۔ ایں موقع تے انہاں اپنڑے مسئلیاں بارے وی عمران خان کوں ڈسایا۔ وزیراعظم کاروبار اچ آسانی اتے کاروباری طبقے کوں سہولتاں ڈیونڑ سانگے حکومتی اقدامات بارے شرکاءکوں ڈسایا اتے آکھیا جووختی کاروباری لوک حکومتی کوششاں دے نتیجے اچ فائدے چیسن۔ وزیراعظم نمائنداں دے مسئلے حل کرنڑ دا یقین ڈیوایا۔ نمائنداں وزیراعظم کو ں ہک لکھ پودے لاونڑ دی مہم بارے ڈسایا اتے وزیر اعظم کو ں ایں مہم دے افتتاح دی درخواست کیتی۔
وزیر اعظم عمران خان نال لہور چیمبر آف کامرس اینڈ انڈسٹری دے نمائنداں دے وفد دی ملاقات نمائنداں دا حکومت ولوں معیشت کوں باقاعدہ دستاویزی شکل اچ گھن آونڑ اتے ٹیکس اصطلاحات دے اقدامات تے چنگے اعتماد دا اظہار ، مکمل تعاون دا یقین ڈیوایا
مضمون کا ماخذ : لاٹری ٹکٹ کے فوائد
متعلقہ مضامین
