اسلام آباد۔11مئی(اے پی پی)وزیر خارجہ شاہ محمود قریشی آکھیے جو قومی اسمبلی دا اجلاس اپوزیشن دے سڈے تے سڈیا گئے،ساریاں سیاسی جماعتاں دے اتفاق نال اے اجلاس صرف کرونا دی صورتحال دے یک نکاتی ایجنڈے تے تھیندا پئے۔شاہ محمود قریشی آکھیے جو کرونا دا چیلنج بہوں اوکھا اے جیندے اچ جنگ عظیم توں وی ودھ ہلاکتاں تھیندیاں پین اتے پورا جگ ایندی ولھیٹ اچ اے،امکان اے جو کرونا دی ویکسین آونڑ اچ ڈو سال لگ ویسن،او تئیں اساں صرف احتیاط نال ہی ایں چیلنج نال نبڑنے،ایں سانگے مل بیھ تے ہکو مقصد اپناونڑا ہوسی تاں جو ایں وبا نال نمٹیا ونج سگے۔انہاں آکھیے جوجگ دے مقابلے اچ پاکستان جھیں ترقی پذیر ملک اچ جتھاں نظام صحت بہوں کمزور اے صورتحال بہوں بہتر اے، اج ساڈی کولو کرونا دے ٹیسٹ دی صلاحیت ودھدی پئی اے جیڑھی ایشیا اچ سب توں ودھ اے،اج اٹھ دی بجائے ٹیسٹنگ لیبارٹریاں ستر تھی چکین بھل حالی وی بہوں کجھ کرنڑ دی لوڑھ اے کیوں جو اے چیلنج وی بہوں وڈا اے
اللہ دا خاص کرم اے جو پاکستان اچ کرونا دی صورتحال ہتھیکے اے،قومی اسمبلی دا اجلاس اپوزیشن دے سڈے تے سڈیا گئے،وزیر خارجہ شاہ محمود قریشی
مضمون کا ماخذ : عظیم البینی
متعلقہ مضامین
