اسلام آباد ۔ 17ستمبر(اے پی پی) وزیراعظم دے معاون خصوصی قومی صحت ڈاکٹر فیصل سلطان عالمی ادارہ صحت دے دفتر دا دورہ کیتے ۔ خمیس کوں وزارت دے ترجمان موجب پاکستان اچ عالمی ادارہ صحت دے نمائندہ ڈاکٹر پلیتھا ماہی پالا استقبال کیتا۔ دورے دے دوران ورلڈ پیشنٹ سیفٹی دے حوالے نال معاون خصوصی صحت کوں بریفنگ ڈتی گی ۔ بریفنگ وچ ڈاکٹر پلیتھا ماہی پالا آکھیا جو موثر اقدامات اتے مربوط حکمت عملی نال پاکستان کورونا وائرس دی وبا تے قابو پاتے ۔پاکستان کورونا وائرس دی وبا کوں کھنڈنڑ توں روکنڑ دے حوالے نال شاندار کاکردگی ڈکھالی اے ۔انہاں آکھیے جو بئے ملکاں کوں کورونا وائرس دی وبا تے قابو پاونڑ کیتے پاکستان دے اقدامات دی پیروی کرنڑیں ہوسی ۔ ڈاکٹر فیصل سلطان آکھیا جو عالمی ادارہ صحت دی صحت دے شعبے اچ خدمات قابل ستائش ہن ۔ ہیلتھ ورکرز دی سیفٹی اساڈی ترجیح اے ۔انہاں آکھیے جو ہیلتھ ورکرز دی حفاظت کیتے حکومت موثر اقدامات کیتن ۔کورونا وائرس دی وبا کوں کھنڈنڑ توں روکنڑ کیتے ہیلتھ ورکرز شاندار خدمات انجام ڈتیاں۔ انہاں آکھیے جو ہیلتھ ورکرز دی سیفٹی کیتے سارے وسائل بروئے کار گھن آسوں ۔ پاکستان اچ ہیلتھ ورکرز دی سیفٹی کیتے خصوصی ٹریننگ دا اہتمام کیتا گئے ۔ ڈاکٹر فیصل سلطان آکھیا جو 01 لکھ ہیلتھ ورکرز کوں پاکستان اچ خصوصی ٹریننگ ڈتی گئی۔
وزیراعظم دے معاون خصوصی قومی صحت ڈاکٹر فیصل سلطان دا عالمی ادارہ صحت دے دفتر دا دورہ
مضمون کا ماخذ : پاکستان کی مشہور لاٹری
متعلقہ مضامین
