اسلام آباد ۔ 2 جولائی (اے پی پی) صدر ڈاکٹر عارف علوی عوام کوں ہدایت کیتی اے جو آندے عیدالاضحی تے اجتماعی قربانی سانگے کورونا وائرس کھنڈنڑ توں روکنڑ اچ ہتھ ونڈاون۔ صدر ڈاکٹر عارف علوی دی زیر صدارت ایوان صدر اچ اجلاس اچ کورونا وائرس دی صورتحال اچ عیدالاضحی کیتے ایس او پیزتے عملدرآمد یقینی بنڑاونڑ دی حکمت عملی دا جائزہ گھدا گئے۔اجلاس اچ وفاقی وزیر داخلہ بریگیڈیئر (ر) اعجاز احمد شاہ، مذہبی امور و بین المذاہب ہم آہنگی دے وفاقی وزیر نور الحق قادری، اسلامی نظریاتی کونسل دے چیئرمین قبلہ ایاز اتے صدر دے سیکرٹری طارق نجیب نجمی شرکت کیتی۔صدر ہدایت کیتی جو عیدالاضحی دے انتظامات بارے علماءاتے صوبائی حکومتاں سودھا سارے شراکت داراں کوں اعتماد اچ گھن تے سماجی فاصلہ دی پالیسی تے عملدرآمدبارے آگاہی اتے اجتماعی قربانی دی حوصلہ افزائی کیتی ونجے تاں جو کوروناکوں کھندنڑ توں بچیا ونج سگے۔انہاںا ٓکھیا جو لوک جانورملھ گھنڑ اتے منڈیاں یا رش اچ ونجنڑ کیتے احتیاط ورتن۔
صدر ڈاکٹر عارف علوی دی زیر صدارت اجلاس ، کورونا وائرس دی صورتحال اچ عیدالاضحی کیتے ایس او پیزتے عملدرآمد سانگے حکمت عملی دا جائزہ
مضمون کا ماخذ : جیتنے والی لاٹری
متعلقہ مضامین
