لاہور۔20نومبر(اے پی پی)وفاقی وزیر مواصلات و پوسٹل سروسزمراد سعید آکھیے جو تہذیب یافتہ قوماں دی سنڄاݨ قانون دی حکمرانی اتے ایندے تے عمل نال تھیندی اے، موٹروے پولیس قومی شاہرات تے قانون دا ہکو سواں نفاذ کر تے اپمٰ نویکلی سنڄاݨ بݨائی اے، اداریاں دی بہتری کیتے لوکاں دی سلیکشن اتے پیشہ وارانہ تربیت چنڳی کرݨ ضروری اے ۔اے ڳالھ انہاں شیخوپورہ اچ موٹروے پولیس ٹریننگ کالج توں تربیت مکمل کرݨ آلے پٹرول آفیسرز اتے جونیئر پٹرول آفیسرز دی ݙاہویں پاسنگ آئوٹ تقریب نال خطاب اچ آکھی۔ ایں توں پہلے وفاقی وزیر مواصلات مراد سعید آئی جی موٹروے پولیس ڈاکٹر سید کلیم امام دے کٹھے موٹروے پولیس دے شہداء دی یادگار تے پھل چڑھائن اتے فاتحہ پڑھی۔ تقریب نال خطاب اچ انہاں آکھیا جو موٹر وے پولیس پورے ڄڳ اچ پاکستان دی نیک نامی دی سنڄاݨ بݨ ڳئی اے، امید اے پاس آﺅٹ تھیوݨ آلے جوان موٹروے پولیس دی بنیادی اقدار، ایمانداری، خوش اخلاقی اتے مدد دے جذبے دی اپسداری کریسن۔ موٹروے پولیس دے پاس آوٹ تھیوݨ آلے جواناں مارچ پاسٹ کرتے مہمانِ خصوصی کوں سلامی ݙتی۔ چھیکڑ تے وفاقی وزیرمراد سعید پروبیشنر اتے بیسک ریکروٹ کورس اچ آل رائونڈ فرسٹ پوزیشن امر پرکاش اتے سلمان عابد سودھا ٻئے پوزیشن ڳھنݨ آلیاں کوں انعام وی ونڈیے۔
تہذیب یافتہ قوماں دی سنڄاݨ قانون دی حکمرانی اتے ایندے تے عمل نال تھیندی اے، وفاقی وزیر مواصلات و پوسٹل سروسزمراد سعید دا تقریب نال خطاب
مضمون کا ماخذ : لاٹری کی تجزیاتی ایپ
متعلقہ مضامین
