پشاور۔09 مارچ (اے پی پی)وزیراعظم عمران خان آکھیے جو کھلاڑی نہ ہوندا تاں سیاست اچ ہار من گھندا ، زندگی اچ جھک دا ناں اے ،ڈھہہ تے کھڑا تھیونڑ آلا پہلے توں مضبوط ہوندے ،کھیڈ توں ہی اوکھے حالات دا مقابلہ کرنڑ سکھیے ،سنوار کوں قیوم سپورٹس کمپلیکس پشاور اچ انڈر21گیمز دی افتتاحی تقریب نال خطاب اچ وزیراعظم عمران خان آکھیا جو زندگی مقابلے دا ناں اے ، انہاں آکھیے جو شکست توں نہ ہرنڑ آلا ہی چیمپئن ہوندے کیوں جو او اپنڑی ہار دی وجہ کوں سامنڑے رکھ تے ولا محنت کریندے ،انہاں آکھیے جو ڈھہہ تے ولا مقابلہ کرنڑ آلا ہی مضبوط ہوندے ‘ کوئی وی دنیا اچ اج تئیں چیمپئن کائنی بنڑیا جیرھا ہار کوں سمجھدا نہ ہووے ،اگر سپورٹس اچ نہ ہوندا تاں 22سال تئیں سیاست نہ کریندا تے بہوں وختی ہار من گھندا ،پڑھائی تے بزنس وی مقابلہ ہوندے ،سیاست وی مقابلے دا ناں اے ، چیمپئن ہرنڑ توں نی ڈردا ،سکھدے انسان اوں ویلھے ہردے جڈاں ہار من گھنے ، وزیراعظم عمران خان کھیڈاں دے انعقاد تے وزیراعلی محمود خان کوں مبارخ ڈیندے ہوئیں آکھیے جو انہاں گیمز نال نینگراں دا ٹیلنٹ سامنڑے آسی ، نینگراں کوں سپورٹس دی اہمیت ڈساونڑ چاہنداں ،انہاں آکھیے تساکوں یاد رکھنڑاں چاہیدے جو تساں ایں پاکستانی قوم دا حصہ او جیں انشاءاﷲ دنیادی عظیم ترین قوم بنڑنڑاں اے ۔ایندے توں پہلے وزیراعظم عمران خان انڈر 21گیمز دا باقاعدہ افتتاح کیتا ۔ایں موقع تے وزیر اعلیٰ خیبر پختونخوا محمود خان، وزیر دفاع پرویز خٹک، وفاقی وزیر مواصلات مراد سعید اتے وفاقی وزیر مذہبی امور نور الحق قادری وی وزیر اعظم دے رلے ہن۔
کھیڈ توں ہی اوکھے حالات دا مقابلہ کرنڑ سکھیے ،کھلاڑی نہ ہوندا تاں سیاست اچ ہارمن گھندا ‘ وزیراعظم دا انڈر21گیمز دی افتتاحی تقریب نال خطاب
مضمون کا ماخذ : آن لائن لاٹری ویب سائٹ
متعلقہ مضامین
