اسلام آباد۔4نومبر (اے پی پی):بوسنیا، ہرزیگووینا دی پریذیڈنسی دے چئیرمین شفیق جعفرووچ اتے وزیر اعظم عمران خان وچال ون آن ون ملاقات دے علاوہ وفد دی سطح تے مذاکرات تھیسن ،ݙوہیں رہنما ݙوہیں ملکاں وچال مفاہمت دی یادداشت تے دستخط دی تقریب اچ وی شرکت کریسن ۔ بدھ کوں وزیراعظم آفس دے میڈیا ونگ توں جاری بیان موجب وزیر اعظم عمران خان اسلام آباد اچ بوسنیا، ہرزیگووینا دی پریذیڈنسی دے چئیرمین شفیق جعفرووچ دا خیر مقدم کریسن ۔ ایں موقع تے معزز مہمان کوں گارڈ آف آنر پیش کیتا ویسی ۔ شفیق جعفرووچ وزیراعظم ںال ون آن ون ملاقات کریسن اتے ایندے علاوہ وفد دی سطح تے وی ڳال مھاڑ تھیسی۔ ݙوہیں رہنما مفاہمت دی یادداشت تے دستخط دی تقریب اچ موجود ہوسن تے آپݨی ڳال کریسن ۔وزیر اعظم عمران خان بوسنیا، ہرزیگووینا دی پریذیڈنسی دے چئیرمین شفیق جعفرووچ اتے انہاں دے وفد دے اعزاز اچ ظہرانہ وی ݙیسن۔
بوسنیا، ہرزیگووینا دی پریذیڈنسی دے چئیرمین شفیق جعفرووچ اتے وزیر اعظم عمران خان وچال ون آن ون ملاقات، وفد دی سطح تے مذاکرات تھیسن
مضمون کا ماخذ : نتیجہ بہت زیادہ
متعلقہ مضامین
