اسلام آباد ۔ 20 اپریل (اے پی پی) معاون خصوصی ڈاکٹر ظفر مرزا آکھیے جو سفارتکاراں کورونا تے قابو پاونڑ کیتے حکومتی اقدامات دی تعریف کیتی اے ، صدر مملکت، علما کرام اچ مسیتاں کھولنڑ متعلق 20 نکات تے اتفاق تھئے ، وزیراعظم دی علمائے کرام نال ملاقات تھئی اے ۔اے گال انہاں سنوار کوں نیشنل کمانڈ اینڈ کنٹرول سینٹر اچ میڈیا بریفنگ ڈیندے ہوئیں آکھی اے ۔انہاں آکھیے جو کمانڈ اینڈ آپریشن سینٹر اچ غیر ملکی سفارتکاراں ملاقات کیتی،غیر ملکی سفارتکاراں کوں کورونا صورتحال تے بریفنگ ڈتی گئی ،۔ ظفر مرزا آکھیے جو ہسپتالاں اچ او پی ڈیز بند تھیونڑ پاروں لو متاثر تھیندے پئن ،اساں مستقبل اچ صحت دے شعبے تے خصوصی توجہ ڈیونڑیں اے ۔انہاں آکھیے جو باہرلے ملک ڈاکٹر اگر کورونا دے خلاف جنگ اچ حصہ پاونڑ چاہندن تاں او یاران وطن اچ رجسٹرڈ تھی سگدن ۔ ظفر مرزا آکھیے جو دنیا اچ ہنڑ تئیں 24 لکھ لوک متاثر تھی چکن جڈاں جو اموارت دی تعداد ہک لکھ 65ہزار تھی گئی اے۔انہاں آکھیے جو پاکستان اچ ہنڑ تئیں 1 لکھ 4 ہزار 302 لوکاں دا ٹیسٹ کیتا گئے ،پچھلے 24 گھنٹے اچ 4178 ٹیسٹ تھئن جیرھے جو گھٹ ہن ،425 نویں مریض سامنڑے آئے ، ایں ویلھے ٹوٹل تعداد 8418 تھی گئی اے ۔انہاں آکھیے جو پاکستان اچ ہنڑ کیس مقامی طور تے کھنڈنڑ دی وجہ توں تھیندے پن کل اموات 176 تھی گئن 24 گھنٹے اچ 17 دا ودھارا تھئے مجموعی اموات اچ 3 رجحان سامنڑے آئے،176 اچوں 74 فیصد مرد ہن 82 فیصد 50 سال توں ودھ ہن ۔عالمی سطح تے کورونا توں صحت یاب تھیونڑ آلیں دی شرح 26فیصد اے ۔
پچھلے 24گھنٹے اچ 425 نویں مریض سامنڑے آئن کل اموات 176 تھی گئن ، معاون خصوصی ڈاکٹر ظفر مرزا دی نیشنل کمانڈ اینڈ کنٹرول سینٹر اچ میڈیا بریفنگ
مضمون کا ماخذ : como jogar lotomania
متعلقہ مضامین
