اسلام آباد ۔ 21 نومبر (اے پی پی) صدر مملکت ڈاکٹر عارف علوی آکھیے جو ریاستی امور کوں ریاست مدینہ دی طرز تے ڈھالنڑ سانگے ضروری اے جو اساں سارے دینی ،قومی تے اجتماعی مفادات کوں ترجیح ڈیووں ،اپنڑی سوچ تے رویں اچ مثبت تبدیلی گھن آﺅں اتے تعلیمات نبوی ﷺ تے ایندی روح دے مطابق عمل پیرا تھیووں تاں جو وطن عزیز اچ ہک فلاحی معاشرے دا قیام ممکن تھی سگے کیوں جو اج وی انسانیت دی فلاح دا دورا مدار سرکار دو عالم ﷺ دی تعلیمات تے اسوہ حسنہ تے عمل کرنڑ اچ ہے ۔اے گال انہاں عید میلاالنبی ﷺ دے پر مسرت موقع تے قوم دے ناں اپنڑے پیغام اچ آکھی اے جیرھی اج پوری دنیا اچ منائی ویندی پئی اے ۔ صدرمملکت سرور کائنات ، ہادی برحق حضرت محمد ﷺ دی آمددے ایں سعید ڈینھ تے ملت اسلامیہ کوں بالعموم تے اہل وطن کوں باالخصوس مبارک ڈیندے ہوئیں نبی پاک ﷺ دی ولادت دے ایں بابرکت مہینہ ساریں سانگے باعث رحمت تے بخشش ثابت تھیونڑ دی دعا کیتی تے آکھیا جو اللہ سئیں آنحضرت محمد ﷺ کو ں پوری انسانیت سانگے آخری کامل رہنما اتے معلم بنڑا تے بھیجیا۔ سرکار دوعالم دی آمد اتے انہاں دی تعلیمات نال انسانی زندگی دے ہر گوشے اچ ہک عظیم انقلاب برپا تھی گئے ۔
انسانیت دی فلاح دا دارومدارسرکاردوعالم ﷺ دی تعلیمات تے اُسوہ حسنہ تے عمل کرنڑ اچ ہے‘ صدرِمملکت عارف علوی دا عید میلاد النبیﷺ دے موقع تے پیغام
مضمون کا ماخذ : مایا کا عروج
متعلقہ مضامین
