اسلام آباد۔16مارچ(اے پی پی) صدر ډاکټر عارف علوي په نړيواله كچه امن بحالولو او نورو بنيادي چارو كښې د همكارۍ په حاجت زور راوړلو سره وئيلي دي د چين غوندې نورو هېوادونو له به هم د پالېسۍ په جوړولو كښې خپل سوچ ته په نړيواله كچه پراختيا وركول وي۔ د چين پاكستان اقتصادي راهدارۍ مقصد منطقه كښې د همكارۍ رجحان ته وده وركول دي٬ پاك چين ملګرتيا يوازې د دوه هېوادونو ترمينځه نه بلكې د دې جرړې د اولس په زړونو كښې دي او دا تعلق په منطقه كښې امن كښې مهم كردار ترسره كوي۔ اېف اېم 98 چائينه ميډيا ګروپ سره خپله خاص مركه كښې صدر مملكت عارف علوي ووئيل د چين صدر شي چن پنګ نه يوازې د هېواد دننه بلكه هر لحظه د بدلېدونكي صورتحال او د بېلو هېوادونو ترمينځه د دوه اړخيزه اړيكو په حقله په زړه پورې تجربه لري۔ ده ووئيل په روان وخت كښې يو داسے مستقل مزاج سياستمدار ته ضرورت دے كوم چې د دوه اړخيزه اړيكو او په نړۍ كښې د امن او امان اهميت څخه په بشپړه توګه واقفيت لري۔ صدر مملكت زياته كړه چې د روسيه – يوكرېن شخړه كښې چين زيات مثبت كردار ترسره كړے او پاكستان هم دا غواړي چې په نړۍ كښې دې امن وي۔ ده ووئيل د کمیونسټ پارټی آف چائنه لخوا د معارفي كړو منصوبو او نظريات په عملي كولو كښې هم د چين صدر شي چن پنګ كردار زيات مهم پاتے شوے او باور لرم چې چين سره زمونږ 70 كلنې روانې اړيكې به راتلونكي وخت كښې لا مستحكمې شي۔ صدر مملكت ووئيل چين يو لويې شمېر خلق د بې وزلۍ څخه ويستلو كښې كاميابي ترلاسه كړې ۔ ده ووئيل په چين كښې زده كړو او روغتيا ته بنيادي اهميت وركړے شوے او پاكستان هم په دې ډګر تللو له خوښي لري۔ صدر مملكت ډاكټر عارف علوي ووئيل د چين په ډول نورو هېوادونو له به هم په پالېسي جوړولو كښې خپل سوچ ته په نړيواله كچه پراختيا وركول وي۔ ده ووئيل چين په نړيواله كچه د امن بحالۍ له هڅې كړي۔ د چينائي صدر شي چن پنګ له مخې په ماضي كښې د چين ديوال مقصد په كوم هېواد بريد كول نه بلكې د خپلې خاورې حفاظت كول وو۔ چين ټول عمري په بل هېواد د قبضې په ځاے خپلې دفاع لپاره ګامونه پورته كړي۔ صدر ووئيل د منځنۍ آسيا رياستونو او افغانستان هم تجارت لپاره سي پېك څخه استفاده كولو كښې خوښي لري او هم له دې كبله د چين لخوا په افغانستان كښې امن له هڅې روانې دي۔ صدر مملكت ووئيل پاكستان د کووېډ-19 وباء په مهال چين څخه ډېر څه زده كړې۔ ده ووئيل د چين په مرسته په پاكستان كښې د كووېډ د لاسه د مړو شرح كمه پاتې شوې ۔ صدر ووئيل د كركيلې په څانګه كښې مرسته د وخت مهم ضرورت دے دغسې چې نړۍ څخه لوږه ختمه كړې شي۔ ده ووئيل په دې څانګه كښې چين په نړيواله كچه مهم كردار ترسره كړے ۔ صدر ووئيل د كركيلې په څانګه كښې ترقس سره فصلونه په زيات شي او په دې څانګه كښې پاكستان ته د چين بشپړ ملاتړ ترلاسه دے۔ ده ووئيل چين پاكستان سره د انفارمېشن ټېكنالوجي په څانګه كښې هم مرسته كوي۔ صدر ووئيل چين د كشمير په مسئله هم ټول عمري د پاكستان ملاتړ كړے ٬ د شخړو خاتمه د نړيوالې ورورلۍ ذمه واري ده ولې چې د مسئلو ختمېدو سره به بې وزلي ختمه شي ۔ ډاكټر عارف علوي وئيل ون بېلټ ون روډ منصوبه د كوم يو هېواد نه ده بلكې دا په نړيواله كچه د شرېكې ګتې له معارفي كړې شوې ۔ صدر ووئيل د پاكستان آبادي 22 کروړه څخه زياته ده كومه چې د منطقې او نړۍ په پرمختګ كښې برخه اخستلو له خوښي لري۔ ده ووئيل چين يو د باور وړ ملګرے هېواد دے او د پاك چين ملګرتيا مثال په نړۍ كښې چرته هم نه موندلے كېږي۔ صدر عارف علوي ووئيل پاك چين ملګرتيا يوازې د دوه هېوادونو ترمينځه نه بلكې د دې جرړې د اولس په زړونو كښې دي او دا تعلق په منطقه كښې امن په بحالولو كښې مهم كردار ترسره كوي
د چين غوندې نورو هېوادونو له به هم د پالېسۍ په جوړولو كښې خپل سوچ ته په نړيواله كچه پراختيا وركول وي٬ د صدر ډاكټر عارف علوي د اېف اېم 98 چائنه ميډيا ګروپ سره خصوصي مركه
مضمون کا ماخذ : میگا ملینز آن لائن ٹکٹ
متعلقہ مضامین
