اسلام آباد۔21دسمبر (اے پی پی):الیکشن کمیشن آف پاکستان آئین اتے قانون دے مطابق مناسب وقت تے انھاں انتخابات دی تاریخ دا اعلان ہک انتخابی پروگرام دی صورت اچ جاری کیتا ویسی ،سنوار کوں الیکشن کمیشن ولوں جاری پریس ریلیز موجب گزریل کجھ ݙینھ توں سینٹ الیکشن دے انعقاد دے حوالے نال میڈیا تے مختلف ڳالھیں کیتیاں ویندیاں پن ،محسوس کیتا ڳے جو صورت حال کوں آئین اتے قانون دی روشنی اچ واضح کیتا ونڄے ۔الیکشن کمیشن آف پاکستان ولوں وضاحت کیتی ویندی اے جو سینٹ آف پاکستان دے نصف ارکان 11 مارچ 2021 ءکوں اپݨی 6 سالہ مدت میعاد پوری کرݨ دے بعد ریٹائر تھی ویسن۔ آئین دے آرٹیکل 224 دے ذیلی آرٹیکل 3 دے تحت جیڑھیاں نشستاں اپݨی مدت میعاد مکمل تھیوݨ دے بعد خالی تھیسی ۔انھاں تے الیکشن دا انعقاد قبل از 30 ݙٰینھ نی تھی سڳدا۔الیکشن کمیشن آف پاکستان آئین اتے قانون دے مطابق مناسب وقت تے انھاں انتخابات دی تاریخ دا اعلان ہک انتخابی پروگرام دی صورت اچ جاری کریسی ۔
