اسلام آباد۔11نومبر(اے پی پی)سپیکر قومی اسمبلی اسد قیصر آککھیا جو پاکستان اتے چین وچال دوستانہ تعلقات جڳ سانگے مثال ہن،ݙوہیں دوست ملکاں اچ تعلقات آپسی احترام،اعتماد،مفادات اتے اسٹریٹجک سانجھے داری تے ہن۔ایں مہینے وچال سی پیک دے تحت رشتہ کئی اکنامک زون دا افتتاح تھیندا پئے۔اے ڳالھیں انہاں چین دے سفیر نونگ رونگ نال ڳالھ مہاڑ کریندیں ہوئیں آکھی جنہاں بدھ کوں انہاں نال ملاقات کیتی۔ملاقات اچ ݙو پاسہ تعلقات،اہم علاقائی اتے عالمی معاملیاں اتے آپسی دلچسپی دے ٻے معاملیاں تے ڳالھ مہاڑ کیتی ڳئی۔سپیکر چین دے سفیر نونگ رونگ کوں پاکستان اچ بطور سفیر ذمہ واریاں سنبھالݨ تے مبارخ ݙتی۔ملاقات اچ سپیکر قومی اسمبلی اسد قیصر آکھیا جو نونگ رونگ دا سیاسی تے سفارتی پِڑ اچ وݙا تجربہ ݙوہیں ملکاں اچ احترام،اعتماد،مفادات اتے اسٹریٹجک سانجھے داری اے۔اسد قیصر آکھیا جو چین اتے پاکستان اتے علاقائی اتے عالمی معاملے تے ہکو سواں موقف رکھیندن اتے ݙوہیں ملک علاقائی اتے عالمی فورمز تے ہک ݙوجھے دے موقف دی حمایت کیتی اے۔چین پاکستان اقتصادی راہداری منصوبہ دوست ملک چین ولوں پاکستان سانگے ہک تحفہ اے۔ ایں موقع تے چین دے سفیر نونگ رونگ تعزیتی کلمات تے سپیکر قومی اسمبلی اسد قیصر دا شکریہ ادا کیتا اتے آکھیا جو چین پاکستان نال آپݨے مثالی تعلقات کوں قدر نال ݙیکھدے۔اساں آپݨی سارے ترجیحات کوں ݙوہیں ملکاں اچ دوستی دے رشتے کوں ٻیا پکا بݨیسوں۔
پاکستان اتے چین وچال دوستانہ تعلقات جڳ سانگے مثال ہن،ݙوہیں دوست ملکاں اچ تعلقات آپسی احترام،اعتماد،مفادات اتے اسٹریٹجک سانجھے داری تے ہن،اسد قیصر
مضمون کا ماخذ : کلیوپیٹرا
متعلقہ مضامین
