اسلام آباد۔3نومبر(اے پی پی)وفاقی وزیر اطلاعات و نشریات سینیٹر شبلی فراز آکھیے جو ریاست پاکستان اتے ملکی دفاع دے خلاف دشمن دے ایجنڈے دا بیانیہ قبول نئیں، نوازشریف اتط انعاں دا ٹٻر جمہوریت نئیں بادشاہت چاہندے، قانون کوں مطلوبہ اشتہاری لندن دے مہانگے فلیٹ اچ بیھ تے انقلابی بݨݨ دی بجائے عوام اچ آون، اپوزیشن آہدی اے جو نواز شریف اتے شہباز شریف دے خلاف کرپشن، منی لانڈرنگ دے مقدمات ولا گھدے ویسن، جئیں جئیں وی کرپشن ،منی لانڈرنگ کیتی اے یا قومی خزانے کوں بے دردی نال لٹیے اوکوں حساب ڈیوݨا پوسی۔اے ڳالھ انہاں پریس کانفرنس اچ آکھی۔ انہاں آکھیا جو صنعتاں کوں ملݨ آلی زائد بجلی دے نرخاں اچ کمی کیتی ڳئی اے،چھوٹے اتے درمیانے درجے دی صنعتاں سودھا ٻنہاں کوں وادھو بجلی تے 25 فیصد رعایت ملسی،صنعتاں کیتے”پیک آورز“اتے ”آف پیک آورز“کوں کٹھا کر ݙتا ڳئے۔ انہاں آکھیا جو ملکی معیشت بحال تھی چکی اے، صنعتاں کوں سستی بجلی ملݨ نال ملکی مصنوعات دی پیداوار ودھسی، روزگار ملسی اتے صنعتاں تریجھی شفٹ اچ وی کم کر سگسن۔ انہاں آکھیا جو رانا ثنا اللہ ݙساون جو ماڈل ٹائون دے سانحہ دے شہیداں دا ولدا کون فیسی، اے ماضی دے کالے کارنامے ہین، آءینی اداریاں تے حملے، دخمن دا بیانیہ اتے قومی مفاد کوں ضیان ڈیوإ برداشت نؑئیں کیتا ونڄ سڳدا۔ انہاں آکھیے جو اساں وزیراعظم عمران خان دی اڳواݨی اچ ہر شے ٹھیک کریندے پئے ہیں بھل اپوزیشن ملک اچ بے یقینی چاہندی اے، حکومتاں آندیاں وینداں راہندن بھل اینجھاں تقریراں یا ایکشن برداشت نہ کریسوں۔
ریاست پاکستان اتے ملکی دفاع دے خلاف دشمن دے ایجنڈے دا بیانیہ قبول نئیں، نوازشریف اتط انعاں دا ٹٻر جمہوریت نئیں بادشاہت چاہندے، وفاقی وزیر اطلاعات و نشریات سینیٹر شبلی فراز دی پریس کانفرنس
مضمون کا ماخذ : اسٹریٹیجیا لاٹوفاسیل
متعلقہ مضامین
