فیصل آباد۔28 نومبر(اے پی پی )فیصل آبادسودھے پورے ملک اچ ایڈزدکا عالمی ڈینہہ (ورلڈ ایڈز ڈے ) ےکم دسمبر جمعہ کوں منایاویسی۔ ایں موقعے تے مکاونڑ ،ایں مرض بارے عوام کوں ڈساونر کیتے عالمی ادارہ صحت ، انٹی ایڈز سوسائٹی آف پاکستان ، وفاقی وزارت صحت ، ہیلتھ ڈیپارٹمنٹ پنجاب ، پاکستان میڈیکل ایسوسی ایشن ، اسلامک میڈیکل آرگنائزیشنز سودھے بئے سرکاری اتے غیر سرکاری تنظیماں دے گانڈھے نال صوبائی دارالحکومت دے نال نال ہرڈویژنل ا تے ضلعی ہیڈ کوارٹراں تے واک کیتی ویسی۔ایں موقعے تے ہیلتھ سیمینارز ،کانفرنسز ، ورکشاپس ، مذاکریاں ، مباحثے وی کیتے ویسن۔تاں جو لوکاں کو ایڈزدے مرض ،ایندیاں وجوہات، ابتدائی علامات ، علاج معالجہ ،تدارکی اقدامات بارے ڈسایا ونجے۔ ایں حوالے نال الیکٹرانک میڈیا عوامی شعورپھیلاونر کیتے خصوصی پروگرام نشر کریسی۔نیشنل ایڈز کنٹرول پروگرام پاکستان دے ذرائع اے پی پی کوں ڈسائے جو ایں ویلھے تئیں پاکستان اچ ایڈز دے مریضاں دی تعدادہک لکھ توں ودھ گئی اے جڈاں جو پوری دنیا اچ ایڈزدکے مریض 3کروڑ 50لکھ توں ودھ گین۔ڈسایا گئے جو ایں مہلک بیماری کوں مکاونڑ دی لوڑھ اے۔ایں سانگے پاکستان اچ ےو این ایڈز ، ےونیسکو ، ےونیسیف اتے پلان پاکستان دے گانڈھے نال 14مراکزکم کریندے پین۔انہاں ڈسائے جو برصغیر اچ ایڈزمریضاں سب توں ودھ تعداد بھارت اچ اے جتھاں ایں ویلھے 25لکھ توں ودھ لوک ایڈز دا شکار ہین۔
ایڈز نال آگاہی دا عالمی ڈینہہ جمعے کوں منایا ویسی
مضمون کا ماخذ : prêmios lotofácil
متعلقہ مضامین
