اسلام آباد ۔ 9 نومبر (اے پی پی) مصورپاکستان اتے قومی شاعر ڈاکٹر علامہ محمد اقبال ؒدے 140ویں یوم پیدائش دے موقع تے مزار اقبال تے اعزازی گارڈدی تبدیلی دی پروقار تقریب منعقد تھی۔ سفید وردی اچ ملبوس پاک بحریہ دے چاق و چوبند دستے روایتی جوش وخروش اتے جذبے دے نال مزار اقبال دے اعزازی گارڈ دیاں ذمے واریاں سانبھ گھدیاں ۔ پاک بحریہ اتے پاکستان رینجرزدے دستے مزار اقبال دے باہر اپنڑیاں پوزیشناں سانبھ گھدیاں ۔سٹیشن کمانڈر (نیوی)لاہور، کموڈورڈاکٹر ساجد محمود شہزاد پاکستان نیوی دے دستے اتے اعزازی گارڈ دے فرائض سرانجام ڈیونڑ آلے پاک رینجرز دے دستے دا معائنہ کیتا ۔انہاں مزار تے پھلاں دی چادر وی چڑھائی تے بعد اچ سٹیشن کمانڈر (نیوی)لاہور مزار اقبال تے فاتحہ پڑھی اتے مہماناں دی کتاب اچ اپنڑے تاثرات قلمبند کیتے ۔
مضمون کا ماخذ : لاٹری کا حساب
