اسلام آباد ۔ 24 جولائی (اے پی پی) وفاقی وزیر قانون فروغ نسیم کلبوشن یادیو کیس دا حواللہ ڈیندے واضح کیتے جو پاکستان ہک ذمہ دار ملک اے، اے تاثر بالکل غلط اے جو کلبوشن کوں کوئی غیر قانونی رعایت ڈتی ویندی پئی اے یا رہا کیتا ویندا پئے،اینجھی کوئی گالھ کائنی،کلبوشن دی سزا مکائی نئیں، عالمی عدالت انصاف دے فیصلے تے عمل نہ کریسوں تاں پابندیاں لگ سگدن،آرڈیننس وی تہوں بنڑایا گئے۔اے گالھ وفاقی وزیر قانون بیرسٹر فروغ نسیم قومی اسمبلی اچ الویندے آکھی۔ انہاں آکھیا جو اے ہک حساس معاملہ اے،ایندے تے سیاست نہ کیتی ونجے۔انہاںا ٓکھیا جو این آر او او ہوندے جیڑھا مشرف ڈتا ہئی،اساں عالمی عدالت انصاف دے فیصلے دے مطابق کلبوشن کوں قونصلر رسائی ڈتی اے اتے آئی سی جے دے فیصلے دے مطابق ہی آرڈینس بنڑائے،ایں آرڈیننس اچ کوئی سزا معاف نئیں کیتی گئی،ایں کتھاں لکھیا ہوئے جو آرڈیننس توں پہلے اپوزیشن توں لازمی پچھیا ونجے،بھارت تیاری وی کر گھدی ہوسی جیکر پاکستان آئی سی جے دا فیصلہ نئیں منیدا تاں او آئی سی جے نال ولا رابطہ کرن۔فروغ نسیم آکھیا جواے آرڈیننس تہوں گھن آئے ہیں جو جگ کوں پتا لگے جو پاکستان ہک ذمہ دار ملک اے،ایندے تے اٹارنی جنرل دفتربین الاقوامی وکلا توں وی رائے گھدی اے، حکومت دا اے موقف نئین جو فوجی عدالت دے فیصلہ کوں ختم کیتا ونجے۔
