حکومت دا محو ر عوام ہن ،ترقیاتی ایجنڈے اچ صحت،تعلیم اتے پاکستانیاں دے نینگراں تے سرمایہ کاری ودھاونڑ تے توجہ ڈتی ویسی،وزیراعظم عمران خان دی ورلڈ بینک دے صدر ڈیوڈ ملپاس نال گالھ مہاڑ
واشنگٹن ۔ 22 جولائی (اے پی پی)وزیراعظم عمران خان نال اتوار کوں واشنگٹن اچ ورلڈ بینک دے صدر ڈیوڈ ملپاس پاکستانی سفارتخانے اچ ملاقات کیتی۔ وزیر خارجہ شاہ محمود قریشی، مشیر خزانہ ڈاکٹر عبدالحفیظ شیخ، مشیر تجارت عبدالرزاق داﺅد، سیکرٹری خارجہ سہیل محمود اتے پاکستانی سفیر اسد مجید وزیراعظم دی معاونت کیتی۔ وزیراعظم ورلڈ بینک دے صدر دی اہم ذمہ داری سنبھالنڑ تے ڈیوڈ ملپاس کو ںمبارکباد ڈتی۔وزیراعظم کئی سالیں توں پاکستان دی معیشت دے مختلف شعبیاں اچ ورلڈ بینک دے تعاون دی تعریف کیتی۔انہاں آکھیا جو حکومت دا محو ر عوام ہن ،ترقیاتی ایجنڈے اچ صحت،تعلیم اتے پاکستانیاں دے نینگراں تے سرمایہ کاری ودھاونڑ تے توجہ ڈتی ویسی۔ ڈیوڈ ملپاس وزیر اعظم دے ترقیاتی ایجنڈے دی تعریف کیتی اتے آکھیا جو ورلڈ بینک دے منصوبیاں دے وڈے حجم نال پاکستان خطے اچ اہم ملک اے۔ڈیوڈ ملپاس وزیراعظم عمران خان کوں یقین ڈوایا جو ورلڈ بینک انہاں دے اقتصادی ترقی دے وژن تے عمل درآمد اچ فوری تعاون سانگے تیار اے۔
وزیراعظم عمران خان نال واشنگٹن اچ ورلڈ بینک دے صدر ڈیوڈ ملپاس دی ملاقات
مضمون کا ماخذ : لاٹری کے انعامات
متعلقہ مضامین
