اسلام آباد ۔ 23 جولائی (اے پی پی) وفاقی وزیر اطلاعات و نشریات سینیٹر شبلی فرازآکھیے جو پچھلیاں حکومتاں پی ٹی وی سودھا سارے قومی اداریاں کوں سیاسی بھرتی خانہ بنڑا ڈتا ہئی،پی ٹی وی سودھا سارے قومی اداریاں کوں اصلاحات دے ذریعے ترقی ڈیسوں،ٹی وی چینل مالکان کوں بقایا جات طے شدہ طریقے دے مطابق ہک ہفتے اچ مل ویسن۔اے گالھ انہاں قومی اسمبلی اچ وقفہ سوالات دا ولدا ڈیندے ا ٓکھی۔ وفاقی وزیر اطلاعات و نشریات سینیٹر شبلی فرازآکھیے جو میڈیا دے چھیکڑی ڈو سالاں دے بقایا جات آندے ہفتے اچ جاری کر ڈتے ویسن،علاقائی اخبارات کوں اشتہارات سانگے نواں طریقہ کار بنڑایا ویسی۔ انہاں آکھیا جو پی ٹی وی اچ ڈو ڈھائی ہزارلوک پچھلے ادوار اچ سیاسی بنیادتے بھرتی کیتے گین،اساں اعلیٰ عہدیاں تے وٹا پھیر کیتے اتے اساں ایں ادارے کوں ترقی ڈیونڑ چاہندے ہیں، پی ٹی وی دے صرف پنشنرزدی تعداد ترائے ہزار اے۔
