اسلام آباد ۔ 8 جولائی (اے پی پی) نیشنل کمانڈ اینڈ آپریشن سینٹر(این سی او سی)موجب پچھلے 24گھنٹے اچ 2ہزار 980 مثبت کیسز رپورٹ تھین جڈاں جو ہنڑ تئیں ہک لکھ 40 ہزار 965 مریض کورونا وائرس توصحتیاب تھی چکین۔ٹاگٹڈ لاک ڈاون کیتے 30 شہراں اچ ہاٹ سپاٹ دی نشاندہی کیتی اے۔ بطی ماہرین موجب عوام وڈی عید تے کرونا توں بچنڑ کیتے سخت احتیاط ورتن نتاں کرونا ولا کھنڈ سگدے۔ایں سانگے معاشرتی فاصلے ، ماسک دے استعمال سودھا ایس او پیز تے عمل کیتا ونجے۔پچھلے چوی گھنٹے اچ کرونا نال 83 لوک موئن۔کل 21 ہزار 951 ٹیسٹ کیتے گین۔ایں ویلھے پورے ملک اچ کرونا کیتے مختص 1573وینٹیلیٹرزاچوں 442 وینٹیلیٹرززیر استعمال ہین۔ہنڑ تئیں کرونا نال 4 ہزار 922 لوک فوت تھین جڈاں جو پورے ملک دے 733 ہسپتالاں اچ 4567کورونا مریض زیر علاج ہین ۔
مضمون کا ماخذ : ہیوگو 2
