د وزيراعظم عمران خان د يونيورسل فنډ د اړخه كنټرېكټ ايوارډز دستورې ته وېنا

APP48-30 ISLAMABAD: September 30 - Prime Minister Imran Khan addressing at the signing ceremony for award of contracts by Universal Service Fund (USF) for provision of Voice and High Speed Mobile Broadband Data Services in Balochistan and Sindh. APP

اسلام آباد 30 ستمبر (اے پی پی) وزيراعظم عمران خان وئېلي دي د هېواد روښانه سباؤن ډيجيټل پاكستان سره تړلے دے٬د آئي ټي په څانګه كښې ځوانانو له موقعې وركولو سره به د هغوي د صلاحيتونو څخه استفاده كولې شي او برآمدات هم زياتېدې شي٬د پسمانده سيمو پرمختګ ته حكومت پام لرنه كوي ٬زمونږ حكومت د پرمختګ په زغل كښې وروستو پاتې شوو طبقو او د سيمو پرمختګ لپاره ګامونه پورته كوي۔د دې خيالاتو څرګندونه ده د شورو په ورځ يونيورسل فنډ د اړخه كنټرېكټ ايوارډز دستورې ته خطاب كښې وكړه۔دې كنټرېكټ كولو سره به د هائي سپيډ براډ بينډ سروسز سره د بلوچستان او سندھ پسمانده سيمې هم استفاده وكړي۔وزيراعظم ووئيل يو اېس اېف يوفون او جيز ترمينځه دا لوظ نامه خوشبينه ده۔ده ووئيل زمونږ حكومت د پرمختګ په زغل كښې وروستو پاتې شوو طبقو او د سيمو پرمختګ لپاره ګامونه پورته كوي۔د دې لوظ نامې سره به د سندھ او بلوچستان پسمانده سيمې چرته چې غريبي زياته ده استفاده كولې شي٬دغه سيمې په تېر وخت كښې نظرانداز كړې شوي۔ ده ووئېل بلوچستان كښې د سوئي سيمه چرته چې ټول پاكستان ته د ګاز سپلائي كېږي٬پخپله د پرمختګ په زغل كښې وروستو پاتې شوې ۔ده ووئېل كله چې د پرمختګ په زغل سيمې وروستو پاتې شي نو د هغې اثرات ټوله ټولنه متاثره كوي٬په نړۍ كښې د هېوادونو ترمينځه هم كله چې مالدارۍ او غريبۍ كښې فرق زيات وي نو د هغې څخه مسئلې راپیدا كېږي۔ده ووئېل غېر مساوي او غېر منصفانه پرمختګ ټولنه متاثره كوي۔وزيراعظم ووئيل په پاكستان كښې يوې طبقې لپاره مراعات وركړے شوي٬د هغوي لپاره انګلش مېډيم سكولونه جوړ شوي دغسې اردو مېډيم او د مدرسو ماشومان نظرانداز كړی شوي۔وزيراعظم عمران خان ووئيل پاكستان د 60 لسيزه كښې تندۍ سره پرمختګ كونكے هېواد ؤ ٬جنويي كوريا٬سنګاپور او د ملائېشيا غوندې هېوادونه هم زمونږ څخه نن په پرمختګ كښې وړاندې تللي او مونږ ورسوتو پاتې شوي يو ځكه چې په پاكستان كښې د يوې طبقې لپاره سوچ لرلې شو ۔وزيراعظم ووئيل د سركاري روغتونونو او سكولونو نظام ښه ؤ خو بيا سركاري روغتونونه او سكولونه يوازې د غريبانو لپاره پاتې شول۔ده ووئيل زمونږ حكومت پسمانده سيمو كښې رابطو زياتولو له سوچ كړے ځكه چې دې سره د اولس د ژوند معيار ښه كېدې شي او هغه د پرمختګ په زغل كښې شاملېدې شي۔وزيراعظم ووئيل ګلګت بلتستان كښې د قراقرم هائي وے جوړولو سره سيمې پرمختګ كړے ۔د نګر او هنزه غوندې سيمې كومو چې د نړۍ سره رابطه نه لرله د هغوي اوس د نړۍ سره رابطه پېل شوي۔وزيراعظم ووئيل د موبائل فون د لارې د وګړو په ژوند كښې ښه والې راتللے شي٬اوس د ټېكنالوجي دور دے فور جي او فائيو جي سره به په ټولنه مثبت اثرات مرتب شي ۔ده ووئېل داسې سيمې چرته چې سكولونه نشته هلته د ورچوئل سسټم د لارې استفاده كېدې شي٬داسې سيمې كومې چې تېر وخت كښې نظرانداز كړې شوي او د پرمختګ په زغل كښې شاته پاتې شوي هلته به موقعې وركولې شي۔ده ووئيل د آئي ټي وزارت ښه كار كوي خو اوس هم ډېر كار كول پاتې دے۔ده د آئي ټي پاركس منصوبه ستائېلو سره ووئيل دې سره د پاكستان برآمدات زياتېدې شي۔په دې موقع د آئي ټي وزير پير امين الحق هم موجود وو

مضمون کا ماخذ : پاور بال کے اعدادوشمار