نیویارک۔ 23 ستمبر(اے پی پی)وزیراعظم عمران خان برطانیہ دے وزیراعظم بورس جانسن نال ملاقات کیتی ہے۔ ایہ ملاقات نیویارک اچ اقوام متحدہ دی جنرل اسمبلی دے 74 ویں اجلاس دے موقع تے تھئی ۔ ڈوہائیں رہنماواں سانجھی، علاقائی اتے ڈوطرفہ دلچسپی دے کئی امور تے گالھ مہاڑ کیتی ۔ وزیراعظم عمران خان ،برطانوی وزیراعظم کوں مقبوضہ کشمیر دی موجودہ صورتحال بارے ڈسایا۔ وزیراعظم ایں گالھ تے زور ڈتا جو عالمی برادری انسانی حقوق اتے انسانی صورتحال دی سنگینی اتے ایندے اثرات نال نبڑن سانگے اپنڑاں کردار ادا کرنڑ۔ وزیراعظم جموں و کشمیر جھیڑے دے پر امن حل کیتے سہولت اتے امن و سلامتی دے خطرات نال نبڑن سانگے وختی کرفیو اتے بی پابندیاں ہٹاونڑ تے زور ڈتا۔ برطانوی وزیراعظم بورس جانسن آکھیا جو برطانیہ ایںصورتحال تے نظررکھی ہوئی ہے اتے ایں بارے اپنڑاں کردار ادا کریندا راہسی۔ ڈوہائیں رہنماواں ایں سانگے رابطے اچ رہونڑ تے اتفاق کیتا۔ ڈوہائیں ملکاں دے وزرائے اعظم افغان امن عمل اتے مفاہمتی عمل سمیت علاقائی اہمیت دے بئے امور تے وی گالھ مہاڑ کیتی ۔ انہاں سیاسی، تجارتی اتے معیشت سمیت مختلف شعبیں اچ تعاون ودھاونڑ تے اتفاق کیتا۔
وزیراعظم عمران خان دی برطانوی ہم منصب بورس جانسن نال ملاقات ڈوہائیں رہنماواں سانجھے، علاقائی اتے ڈوطرفہ دلچسپی دے کئی امور تے گالھ مہاڑ کیتی، وزیراعظم عمران خان برطانوی وزیراعظم کو ںمقبوضہ کشمیر دی موجودہ صورتحال بارے ڈسایا
مضمون کا ماخذ : اسکریچ کارڈ لاٹری
متعلقہ مضامین
