اقتصادی سروے 2019-20؛کرونا دے منفی اثرات نال پاکستان ترقی پذیرملکاں اچ سب توں ودھ متاثر، ملکی جی ڈی پی کوں 3 ہزار ارب روپے نقصان دا اندازہ، آمدنی 0.4 فیصدگھٹسی،وزیراعظم دے مشیر برائے خزانہ ڈاکٹر عبدالحفیظ شیخ دی پریس بریفنگ

اسلام آباد ۔ 11 جون (اے پی پی)وزیراعظم دے مشیر برائے خزانہ ڈاکٹر عبدالحفیظ شیخ ملکی معیشت دے مختلف شعبیاں دی کارکردگی،حکومت ولوں معاشی استحکام اتے اقتصادی سرگرمیاں چنگیاں کرنڑ کیتے اقدامات دی تفصیل سانگے اقتصادی سروے 2019-20ءجاری کرڈتے۔ اقتصادی سروے اچ آکھیا گئے جو کرونا دی وبا پاکستان دی معیشت تے بہوں منفی اثرات سٹین بھل ایں سانگے مالی سال 2020ءاچ حکومتی اقدامات ،اقتصادی اصلاحات پروگرام تے عملدرآمد دی عالمی مالیاتی اداریاں وی تعریف کیتی اے، آئی ایم ایف دا کامیاب جائزہ پروگرام پاکستان دی معیشت دی درست سمت اچ ٹرنڑ کیتے مثبت کوششاں دا اعتراف اے۔انہاں ڈسائے جو مالی سال جولائی توں اپریل 2020ءتئیں جاری کھاتاں دے خسارے اچ 70.8 فیصد کمی،براہ راست غیر ملکی سرمایہ کاری اچ 127 فیصد ودھارا،مارچ 2020ءتئیں مالیاتی خسارہ گھٹ تے جی ڈی پی دا 4 فیصد رہے،مالی سال 2020ءکیتے جی ڈی پی دی عارضی شرح نمو دا تخمینہ منفی 0.38 رہے،زرعی شعبہ دی شرح نمو اچ 2.67 فیصدودھارا،کنڑک دی پیداوار اچ وی ودھارا،صنعت و خدمات دی شرح نمومنفی رہی،اشیاءتیاری دی شرح نمو 5.4 فیصد، مالیاتی خسارہ 9.1 فیصدرہے، ترقیاتی اخراجات 14.6 فیصدودھین،مالی سال 2019-20ءدے پہلے 9 مہینے اچ کل محاصل اچ 30.9 فیصددی نمو،ایف بی آردی ٹیکس وصولی اچ 10.8 فیصدودھارا،کرونا دے معیشت تے ودھ اثرات رہین جیندے نال مالی حسابات چیلنج دا شکار ہین اتے عمومی افراط زر دی شرح 10.9 فیصد رہی،برآمدات اچ 3.6 فیصدودھارا اتے تجارتی خسارے اچ 29.5 فیصدکمی تھئی اے۔ڈاکٹر حفیظ شیخ پریس کانفرنس اچ آکھیے جو ھکومتی پالیسیاں پاروں جولائی تا اپریل مالی سال 2020ءتئیں جاری کھاتے دا خسارہ 70.8 فیصدگھٹ تے 3.3 بلین ڈالر (جی ڈی پی دا 1.5 فیصد) تھی گئے جیڑھاپچھلے سال دے ایں عرصے اچ 11.4 بلین ڈالر (جی ڈی پی دا 4.8 فیصد) ہا۔انہاں آکھیے جو ورلڈ بینک دے کاروبار کوںس وکھ دیونڑ ڈیونڑ دی فہرست 2020اچ پاکستان پہلے ڈاہ بہترین اصلاحات آلے ملکاں اچ شامل ہا جیندا درجہ 28 پوڑیان چڑھ تے 190 معیشتاں اچ 108 ویں درجہ تئیں پج گئے جیندے نال جولائی تا اپریل غیر ملکی سرمایہ کاری رحجان ودھیے اتے براہ راست غیر ملکی سرمایہ کاری اچ 127.0 فیصدودھارا تھئے اتے اے پچھلے سال دے 1.0 بلین ڈالر دے مقابلے اچ 2.3 بلین ڈالرتئیں پجیے۔معیشت دے وڈے مالیاتی اشاریاں اچ بہتری مارچ 2020ءتئیں رہی اے،جولائی تا مارچ مالی سال 2020ءاچ مالی خسارہ گھٹ تے جی ڈی پی دا 4.0 فیصد رہے،بنیادی توازن اچ چنگی تبدیلی آئی اتے ایں دوران 193.5 بلین روپے دی ودھ رقم جمع تھئی اے جڈاں جو پچھلے سال 463.3 بلین روپے خسارہ تھیا ہا۔انہاں آکھیے جو کورونا پاروں 2020ءتجارتی گراوٹ دا اثر ہکو جھیاں ہوسی،اپریل 2020ءاچ برآمدات 957 ملین ڈالر رہین،روپے دی قدار ڈالر دے مقابلے اچ اپریل 2019ءاچ 54 فیصد اتے مارچ 2020ءاچ 47 فیصددی کمی تھئی،اپریل 2019ءدے مقابلہ اچ درآمدات اچ وی 32 فیصد کمی تھئی جڈاں جو مارچ 2020ءدے مقابلے اچ 3 فیصد کمی تھئی۔ درآمدات اچ کمی پاروں برآمدات اتے ملکی پیداوار ڈوہاں ملک اچ بنڑن آلیاں شئیں دی مستقل فراہمی ا چ رکاوٹ بنڑسی۔کرونا دے منفی اثرات توں نکلنڑ کیتے حکومت 1.24 کھرب روپے دے مالی بحالی پیکج دا اعلان کیتے،اسٹیٹ بینک آف پاکستان توں گھریلو کاروباراتے کاروباری اداریاں دی بندش توں بچنڑ کیتے مالیاتی سیکورٹی ڈتی گئی،مالیاتی پالیسی دی شرح اچ 15 مئی 2020ءتئیں کل 525 بنیادی پوائنٹ دی کمی کیتی گئی جیڑھی 13 فیصد توں ودھ توں 8 فیصد تئیں رہ گئی اے۔مالی سال 2020ءکیتے جی ڈی پی دی عارضی شرح نمو دا تخمینہ منفی 0.38 فیصد (زرعی 2.67 فیصد صنعتی منفی 2.64 فیصد اتے خدمات دے شعباں اچ منفی 0.59 فیصد) لایا گئے۔صنعت و خدمات دی منفی کارکردگی پاروں زراعت اچ شرح نمو رک گئی جیندا اج وی جی ڈی پی اچ 19.31 فیصد حصہ اے، مالی سال 2020ءکیتے جی ڈی پی اچ صنعت و خدمات دا حصہ بالترتیب 19.29 اتے 61.40 فیصد رہے۔وائرس کوں کھنڈنڑ توںر وکنڑ کیتے سماجی فاصلے ودھاونڑ،لاک ڈاون،سفری پابندی، ماسک لاونڑسودھا بئے احتیاطی اقدامات کیتے گین جیندے نال خدمات داشعبہ ودھ متاثر تھئے،درآمدات دی پابندی نال ملکی برآمدات وی گھٹسن،شرھ مبادلہ تے وی دباﺅپوسی۔ڈاکٹر حفیظ شیخ آکھیے جو کرونا دے اثرات توں بچنڑ کیتے 1200 ارب دے پیکج دے تحت مرکزی بنک توں مراعات ڈتن،ہک کروڑ 60 لکھ خانداناں کوں 12 ہزار روپے ڈتے گین،بجلی گیس دے بکل اچ سبسڈی ڈتی گئی اے،کسناناں دی فلاح، کروباری طبقے دی بحالی، مزدور دی مالی مدد،کاروباری سرگرمیاں دی بحالی،زراعت کیتے پنجھا ارب دی خصوصی سکیم،یوٹیلٹی اسٹورزتے رعایت، رمضان اچ 28 ارب روپے دی سبسڈی ڈتی گئی اے جڈان جو نیا پاکستان دے تحت کمزور طبقہ کوں گھر بنڑاونڑ دی سہولت کیتے 30 ارب روپے رکھے گین جیندے اچ ٹیکس چھوٹ وی شامل اے،تعمیراتی شعبے کیتے مکمل پیکج وی اے،گھٹ آمدن آلے لوکاں کیتے ٹیکس گھٹائے گین،برآمدی شعبے کوں وی مراعات ڈتن،20 ارب ڈالر دا تجارتی خسارہ گھٹا تے 3 ارب ڈالرتے گھن ا ٓئے ہین، پنج ہزار ارب روپے دے قرضے واپس کیتن،حکومتی اخراجات گھٹائن، ٹیکس وصولی اچ 17 فیصد دا اضافہ تھئے،تجارتی تعلقات تکڑے کیتن،برآمدکنندگان کوں سہولیات ڈتن،کمزور طبقے تے توجہ ڈتی اے،گھٹ بجٹ دے باوجود احساس پروگرام دا بجٹ ڈوڑا کیتے اتے ایندا فند 90توں ودھا تے 192 ارب روپے کر ڈتے، قبائلی علاقیاں کیتے 152 ارب روپے مختص کیتن، بجٹ اچ نان ٹیکس آمدنی 1100 ارب روپے دی بجائے 1600 ارب روپے دی سطح تے پچائی اے۔انہاں آکھیے جو کرونا پاروں پاکستان کہ ترقی پذیرملکاں اچ سب توں ودھ متاثر تھئے اتے ملکی جی ڈی پی کوں ترائے ہزار ارب روپے دا نقصان کادا اندازہ لایا گئے، آمدنی 0.4 فیصدگھٹسی۔ساڈھے ترائے فیصد قومی آمدنی اچ نقصان تھئے، برآمدات متاثرتھین، ایف بی آر ٹیکس وصولی 4700 ارب روپے دی بجائے 3900 ارب روپے تھی سگی اے،عوام تے بیا بھار نئیں سٹنڑ چاہندے ، جی ڈی پی دی شرح نمو منفی 0.4 فیصد، صنعت منفی 2.64 فیصد، زراعت 2.64 فیصد، خدمات دا شعبہ منفی 3.4 فیصد، ٹرانسپورٹ منفی 7.1 فیصد، مینوفیکچرنگ منفی 22.9 فیصد رہی۔ مالی خسارہ جی ڈی پی دا چار فیصد رہے،کوشش اے جو آندے بجٹ اچ لوکاں کوں ہر شعبے اچ خاس کر اقتصادی شعبے اچ مراعات ڈیووں،سماجی تحفظ تکڑا کروں، بئے ٹیکس نہ لاوں۔ایں موقع تے وفاقی وزیر اقتصادی امورخسرو بختیار آکھیے جو جاری خسارہ 3.3 فیصد اے، جی 20 ممالک توں قرض اچ ہک ارب 80 کروڑ ڈالرداریلیف ملے۔ آئی ایم ایف 1.4 ارب ڈالرڈتن۔ ایشیائی ترقیاتی بینک 50 کروڑ ڈالرڈتن۔ 9.7 ارب ڈالر زرمبادلہ دے ذخائر ورثہ اچ ملی جیڑھے حکومتی اقدامات نال 18 ارب ڈالرتوں ودھ گین۔ وزیراعظم ولوں زرعی ہنگامی بنیاداں تے 300 ارب روپے مختص کرنڑ نال زرعی پیداوار اتے پانی دی لوڑھ پوری کیتی ویسی۔
c