اسلام آباد ۔ 25 نومبر (اے پی پی) وفاقی وزیر مذہبی امور ڈاکٹر نور الحق قادری آکھیے جو بہترین تربیتی پروگرام دے ذریعے حج انتظامات کوں مزید بہتر بنڑاونڑ اچ مدد مل ویسی ، روڈ ٹو مکہ پراجیکٹ کوں اجوکے سال ملک دے بئے شہراں تئیں ودھاونڑ چاہندوں ۔سنوار کوں حاجی کیمپ اسلام آباد اچ 5ویں حج مشاورتی ورکشاپ برائے حج 2020ءنال خطاب کریندے ہوئیں نور الحق قادری آکھیا جو حاجیاں دی تربیت تے خصوصی توجہ ڈیندے پیوں ، بہترین تربیت نال حاجیاں دے مسئلے گھٹ ویسن تے حج انتظامات کوں مزید بہتر بنڑایا ونج سگسی ۔ انہاں آکھیا جو گزریل سال ہک لکھ توں ودھ عازمین حج کوں تربیت ڈتی گی ۔انہاں آکھیے جو حاجیاں دے مسئلیں دے حل کیتے سعودی وزارت حج نال گال کریسوں ۔انہاں آکھیے گزریل سال اسلام آباد توں روڈ ٹو مکہ پراجیکٹ شروع کیتا گیا ہئی، اساڈی خواہش اے جو روڈ ٹو مکہ پراجیکٹ کوں ملک دے بئے شہراں تئیں ودھایا ونجے ۔نور الحق قادری کھانڑیں دے حوالے نال کجھ شکایتاں دی نشاندہی تے آکھیا جو حکومت ایں معاملے تے خصوصی توجہ کریندی پئی اے ۔گزریل سال وی چنگے انتظامات کیتے گے ہن تاں جو انہاں کوں مزید بہتر بنڑایا ویسی ۔
روڈ ٹو مکہ پراجیکٹ کوں ملک دے بئے شہراں تئیں ودھاونڑ چاہندوں ،ڈاکٹر نور الحق قادری
مضمون کا ماخذ : قسمت کا پہیہ
متعلقہ مضامین
