اسلام آباد ۔ 12 جون (اے پی پی) وفاقی وزیر بجلی عمر ایوب بدھ کوں پوسٹ بجٹ پریس کانفرنس توں خطاب کریندے ہوئیں آکھیا جوپاک فوج اپنڑاں بجٹ منجمد کیتے ،جیں توں اساکوں 172 ارب روپے ملن، 52 ارب روپے سول حکومت کفایت شعاری توں بچائے گن،تاں جو فاٹااچ سڑکاں، ہسپتال، سکول، کالج، یونیورسٹی اتے بئے منصوبے شروع کیتے ونج جا سگن۔فاٹا کیتے رکھے گئے فنڈ دا حجم 152 ارب روپے ہے۔ انہاں آکھیا جو اساں برآمدی شعبہ کو ں ترقی ڈیونڑیں ہے، گیس اتے بجلی دی قیمتاں اچ صنعتاں کوں سہولتاں ڈیونڑیاں ہن ۔انہاں آکھیا جو وزیراعظم عمران خان، مشیر خزانہ اتے مسلح افواج دا شکریہ ادا کریندوں۔ ماہانہ 300 یونٹس تئیں بجلی استعمال کرنڑ آلے صارفین کوں سبسڈی ڈتی ویسی، جیرھے جو کل صارفین دا75 فیصد ہن۔ انہاں آکھیا جو 216 ارب روپے دی سبسڈی بجلی دی مد اچ متوسط طبقے کو ں ملدی پی ہے۔ انہاں آکھیا جو بلوچستان دی ترقی سانگے وی فنڈزڈتے ویندے پن۔
وفاقی وزیر بجلی عمر ایوب دا پوسٹ بجٹ پریس کانفرنس توں خطاب
مضمون کا ماخذ : como jogar lotofácil
متعلقہ مضامین
